Actividade de positivo:Turismo

Preparando a exposición do proxecto

O venres pasado concluímos co proxecto "Vigo sustentable" e publicamos os dous documentos: o escrito e o audiovisual. Por iso, para analizar a miña participación no desenvolvemento deste e reflexionar sobre que aprendín, vou facer unha reflexión na que explicarei todas as fases do traballo e a implicación persoal en cada unha.

En primeiro lugar, en outubro-novembro comezamos a investigación e eliximos unha das empresas sustentables que localizamos. En xeral, todo o grupo colaborou equitativamente pois repartimos as tarefas de xeito que tod@s colaborásemos de modo similar. Dende  o meu punto de vista foi unha maneira satisfactoria de ampliar os contidos do caderno e do libro, participei na busca do perfil empresarial que precisabamos para levar a cabo a nosa entrevista e atopei dúas opcións: Ingebaires e Algamar. Unha vez que buscamos máis datos sobre estas sociedades limitadas e asimilamos os termos e características do sector secundario (resultou ser o apartado máis "teórico" do exercicio), axudei a redactar a solicitude e a poñernos en contacto co propietario. 

Afortunadamente, non tivemos ningún tipo de complicación para conseguir a cita co representante de Ingebaires...que dende o primeiro momento amosou amabilidade e interese en concedernos un pequeno formulario. Sen dúbida, escribir as cuestións xa que fixara o encontro a vindeira semana (26 de novembro) e case non había tempo. O meu papel foi pensar preguntas, recolectar as ideas dos meus compañeiros e agrupalas para conformar a entrevista.

Por fin chegou o día no que coñecimos a Sergio, para acordar a estrutura da "toma de contacto", é dicir, a parte práctica do proxecto, quedamos en comer xuntos polo centro da cidade. Pactamos quen formularía cada cuestión e atopamos ao noso entrevistado nunha cafetería pois a oficina estaba en obras. Tamén, a nosa mestra de Xeografía decidiu vir para comprobar o desenvolvemento da recopilación de datos que fixemos. Foi unha experiencia enriquecedora da que aprendín algunhas técnicas básicas de comunicación oral e ademais, a expoñer os contidos...penso que volvería repetilo porque considero que é unha forma efectiva de aplicar todos os coñecementos.

As sesións coas que contamos despois da visita foron escasas. Colaborei en redactar o Word sobre todo e engadín as fotos que descargara Kenda, finalmente publiquei a reportaxe escrita e axudei aos meus compañeiros a publicala. Penso que o meu grao de implicación no documento foi elevado e aprendín a tomar as ideas máis importantes e saber manexar toda a información.

Para concluír co proxecto planeamos o vídeo e quedamos en Abertal para gravar as tomas. Xurdiu unha importante dificultade, non tiñamos ningún filme que retrataba o encontro con Sergio xa que sucedera nunha cafetería e por este motivo, empregamos recursos propios (presentamos un telexornal). Cooperei dentro das nosas limitacións na gravación e a coordinación dentro do grupo axudou moito. Adolfo, que domina a montaxe de vídeos, ofreceuse voluntario a editar e unir a presentación audiovisual.

A miña valoración é positiva, en especial, gustaríame destacar o bo ambiente de traballo que creamos no equipo. Serviu para extraer coñecementos e favorecer a aprendizaxe.

Reportaxe audiovisual

Zona de los archivos adjuntos Vista previa del vídeo Proxecto Vigo Sustentable de YouTube Proxecto Vigo Sustentable

Reportaxe escrita (versión actualizada)

Ingebaires SL

Proxecto Vigo Sustentable

Ingebaires

Actividade de positivo: Itinerario dun produto (de onde ven...?)

                                      
                                                          O TÉ
Como ben sabemos o té é unha infusión que provén das follas e brotes da especie Camellia sinensis e ten multitude de tipos e variantes, ademais, posúe unhas cualidades e beneficios no eido da saúde como analizaremos posteriormente. Esta bebida pertence á cultura de algunhas zonas xeográficas e ten precedentes históricos.


                   

1. CAL É O SEU ITINERARIO?
A infusión de té ou rooibos provén principalmente dos países asiáticos do leste e do sur: China, Xapón, India, Nepal, Taiwán, Sri Lanka...de algunhas áreas africanas como Kenia, de Arxentina e de Australia. Unha táboa da Wikipedia que mostra a produción deste produto en toneladas:

País	2011	2012	2013	2014
China	1 274 984	1 375 780	1 467 467	1 744 431
India	987 000	972 700	991 180	1 028 098
Kenia	345 800	314 100	399 000	401 900
Sri Lanka	318 700	290 000	282 300	348 288
Turquía	198 046	198 601	235 000	235 666
Vietnam	173 500	185 700	198 466	219 714
Irán	165 717	165 717	165 717	165 717
Indonesia	150 851	146 440	150 000	142 400
Argentina	80 142	71 715	88 574	96 572
Japón	96 500	86 000	85 000	95 012

  No Mapamundi vemos que as estreliñas laranxas son os centros de cultivo e as frechas sinalan o seu percorrido . Como ten moitas orixes o itinerario é múltiple e un tanto abstracto.

   

2. PROCESOS ECONÓMICOS: EXPLICACIÓN E LOCALIZACIÓN:                                                  1. Cultivo da planta:                                                                                        

Na actualidade existen moitas clases de té, non obstante podemos clasificalas nunhas 40 aproximadamente. Hoxe en día o cultivo deste arbusto está moi extendido e dependendo do tipo son necesarias unhas condicións agrícolas ou outras. En xeral esta planta precisa calor e por iso se localiza en zonas tropicais e subtropicais onde as temperaturas son elevadas e as chuvias abundantes. Non medra moito, a maior parte son arbustos de pequeno tamaño cunha raíz grosa que captan a humidade do chan e as súas flores son de cor branco-amarelo. Os campos de té son moi extensos e especializados (monocultivo) e precisa bastante man de obra, é dicir, é unha agricultura de plantación.

                    

                 2. Poda dos arbustos:

Nas propias áreas onde se planta, pódanse. Podemos dicir que da propia "árbore" obtemos dous produtos: as sementes (produción de aceite) e as follas que son o compoñente principal desta bebida.

                 3. Distribución:

Esta actividade económica depende do país produtor. Os principales destinos son Europa e Estados Unidos, que consomen máis do 60%. Porén existen redes de comercialización menores, por exemplo, Taiwán exporta o té a Pekín, Shangai...cidades industrializadas cunha poboación elevada e un grande reclamo.

      

                 4. Consumo:

Xa nas empresas occidentais, especialmente en Europa, o produto é etiquetado e predisposto ó consumo. Finalmente, chega aos centros especializados (xa sexan herboristerías ou supermercados) onde os clientes poden mercalo.

                                      

3. ANÁLISE DO IMPACTO DOS MEDIOS DE TRANSPORTE E DOUTRAS ACTIVIDADES:

Como ocorre con outros artigos agrarios como o café ou o azucre, os procesos polos que obtemos o té contaminan o medio e teñen fortes repercusións ambientais.

O uso de transportes na comercialización (barcos, avións, camions, furgonetas...) supón a queima de recursos enerxéticos que xeran dióxido de carbono. Ademais, producen contaminación acústica e acuática. Podo engadir que o crecente uso de pesticidas, tranxénicos e outros recursos químicos favorecen a aparición de substancias  nocivas no solo.

4. CONCLUSIÓNS:

Este produto agrícola de efectos beneficiosos para moitos procesos do noso metabolismo é cultivado en grandes parcelas situadas nos trópicos e por extensión, nas rexións subtropicais onde se practican as actividades de plantación, poda e desecación. Posteriormente chega ata EE.UU, Europa e outros países a través de medios de transporte que causan un impacto medioambiental notable, onde se empaqueta e comercializa baixo o nome de recoñecidas marcas como Hornimans, Lipton... e de aí alcanza as tendas e establecementos.

5. COMENTARIO DA BIBLIOGRAFÍA:

As fontes que empreguei son:

http://www.bago.com/BagoArg/Biblio/nutriweb299.html

http://www.vigoenfotos.com/china/guilin_plantacion_te_1.html

http://www.consumer.es/web/es/alimentacion/aprender_a_comer_bien/curiosidades/2001/06/20/34896.php

http://www.mayorista-te.es/te_al_dia/noticias_sobre_el_te/noticia_2

http://www.mayorista-te.es/te_al_dia/noticias_sobre_el_te/noticia_2

https://es.wikipedia.org/wiki/T%C3%A9

A partir destas páxinas web e do libro de texto elaborei a entrada, redactando os puntos propostos e analizando a información que atopei nos blogs e webs de empresas dedicadas ó té.

Sesión 7

Por fin comezamos a redactar o Word, porén, queda algún punto sen estar rematado que procuraremos completar antes do fin desta semana. Fronte as dificultades que supuxo a perda de parte da entrevista e que non tivemos o documento no que aparecían as preguntas na clase, aproveitamos ben a hora.

Eu centreime na portada, no índice e en recopilar a información dos meus compañeiros e compañeiras a medida que enviaban a súa parte. Descarguei tamén as fotos proporcionadas pola empresa e clasifiqueinas en carpetas.