Actividade de positivo: O motín de Esquilache

1) Narración dos feitos:

                                        O FRACASO ILUSTRADO

Un dos ministros do rei Carlos III gaña a aversión do pobo polo seu intento de europeizar costumes de vestimenta e erradicar as "cencerradas" os viúvos.

A expulsión do marqués siciliano, ministro de Facenda e Guerra reafirma a desventura das reformas iustradas en España.

Esquilache tratara de impor algunhas tradicións e iniciativas modernizadoras. Entre estas, atópanse un intento de eliminar o costume de ridiculizar públicamente a viúvos en proceso de tomar unhas segundas nupcias, este feito frecuente constituía  un descenso da natalidade repercutindo así no crecemento demográfico, cada vez máis retronegativo, da poboación. O pobo español acatou esta medida de bo pasar, non obstante, en determinados puntos xeográficos da Península queda constancia da continuidade destas prácticas.

Un mes atrás propúxose modificar os cánones de vestimenta para seguir así o modelo francés, de calzón corto e perruca empolvada. Esta idea opoñíase ós tradicionais sombreiros de ás anchas e ás capas longas. Esquilache respaldou os seus principios en evitar a delincuencia nas rúas de Madrid argumentando que algúns cidadáns agochaban armas prohibidas baixo o seu atuendo,non obstante,este dato concedido ós medios de comunicación non convenceu á cidadanía e dous días despois do anuncio oficial, saíu a pé de rúa para manifestarse.

Despois de varias semanas de disturbios e altercados, algúns afíns a Esquilache comezaron a cortar as prendas e complementos dos viandantes. O pobo español decidiu exiliar a este ministro. A súa maxestade Carlos III, fixo a súa aparición no propio balcón da Real Residencia para comprometerse cos seus súbditos e lograr así a suspensión das reformas ilustradas.

2) Referencias aos protagonistas e ao context o histórico:

Carlos III: Monarca español coñecido cos pseudónimos de "o Político" ou "o Mellor Alcalde de Madrid" gobernou desde 1759-1788. É un exemplo de depotismo ilustrado, rodeouse de ministros; Esquilache, Aranda, Campomanes, Floridablanca, Wall e Grimaldi.

Marqués de Esquilache: Diplomático e político siciliano a cargo do rei Carlos III en Nápoles e España. En 1759 converteuse en ministro de Facenda e en 1763, de Guerra. Gañou a hostilidade do pobo polas súas medidas modernizadoras e pola súa orixe de nacemento, xa que a sociedade española non acollía ós estranxeiros.

O motín de Esquilache tivo lugar do 23 ó 26 de marzo de 1766. Foi a consecuencia da subida dos prezos de produtos básicos como o pan e o intento de impoñer regras de atavío. O Domingo de Ramos (4 de marzo) dous cidadáns vestidos indebidamente cruzaron a Praza de Antón Martín, varios soldados pedíronlles explicacións cando un dos rebeldes alentou a un numeroso grupo de 2,000 persoas aproximadamente a manifestarse na Praza Maior, houbo insultos e violencia que causou diversos desperfectos na capital. Atribuíronse estas revoltas ós xesuítas.

3) Ilustracións:

       

4) Referencias a outras medidas reformistas e a outros ministros de Carlos III:

No texto menciónase a medida das cencerradas nupciais, bromas de mal gusto contra viúvos que desexaban casar de novo e que en moitos casos, era a ridiculización do home e incluso a cancelación do compromiso.

Ministros de Carlos III:

Aranda

Campomanes

Wall

Floridablanca

Grimaldi

5) Webgrafía

Empreguei a  seguinte páxina web:files.biblioalhendin.webnode.es/.../Eslava%20Galan,%20Juan%20- %20Historia%20de para consultar o capítulo 68 páxina 132 de "La Historia de España" por Eslava Galán e estraín do pdf case toda a información das preguntas 1,2 e 4. Ademais, consultei datos nos seguintes enlaces: https://es.wikipedia.org/wiki/Carlos_III_de_España e https://es.wikipedia.org/wiki/Marqués_de_Esquilache para completar a información sobre ambos personaxes. Para contrastar estes datos e engadir matices á pregunta 2 accedín a dúas webs :

http://www.biografiasyvidas.com/biografia/c/carlos_iii.html   e http://paseandohistoria.blogspot.com.es/2010/05/el-motin-de-esquilache.html

Actividade de positivo UD 1: The Mission

"The Mission" é un filme inglés dirixido por Rolland Joffée datada do ano 1986. Esta é unha reseña sobre a película:

1) Contexto histórico (onde e cando suceden os feitos?)

A acción transcorre nunha xungla tropical próxima ás cataratas de Iguazú, Paraguay. Sitúase en dous escenarios diferentes; nos poboacións guaraníes por enriba do río Paraná (San Miguel e San Carlos) e na capital, Asunción.

Realmente, a rodaxe tivo lugar en Cartaxena de Indias onde se intentou crear a ambientación da Hispanoamérica do século XVIII.  Históricamente, os acontecementos teñen lugar en 1756 na fronteira entre Brasil e Paraguay.

2) Narración dunha escena que faga referencia ó tráfico/trata de escravos:

Do minuto 1:24 ata o 1:30 pódese apreciar un claro exemplo de tráfico de indíxenas. Primeiro aparecen os guaraníes na selva sendo atrapados por enormes redes atadas ás árbores, os que logran escapar chegan ata o Pai Gabriel e advírtenlle da ameaza antes de que Rodrigo Mendoza sexa descuberto observándoos. Entre os dous protagonistas estabécese un crúo diálogo no que o xesuíta recrimínalle que "cazan máis alá das cataratas". Posteriormente, cambia a paraxe e vese como chegan os escravos ó campamento español atados de mans e pernas, algúns montados a cabalo e outros arrastrados a pé, unha muller protexe rápidamente a dúas nenas que berran de terror e o capitán saúda antes de entregalos.

3) Narración dunha escena que represente a expulsión dos Xesuítas:

Desde 1:25:02 ata 1:26:46 (película completa) represéntase a invasión dun dos centros xesuítas, estes visten con hábitos brancos. Os colonizadores irrumpen nunha edificación relixiosa e empuxan con violencia ós nativos, acorralan a un home con túnica marrón (un sacrdote) e sacrifican ós crentes. Tamén é subliñable a imaxe dos bebés no chan reclutados mentres un rapaz é encarado cun arma.

4) Narración dunha escena que reflicta o impacto colonial sobre a poboación indíxena:

Do minuto 53:00 ó 57:54 pode verse reflexada a imposición colonial. Un neno guaraní canta ante os seus protectores da fundación de San Carlos, os colonizadores e o enviado do Papa. Entón, Don Cabeza búrlase do rapaz asegurando que é unha criatura animal sen alma nin humanidade algunha, violentamente manipúlao e asegura que non merece ningunha proba de cristiandade nin a catolización xa que non son iguais que eles. Á protesta do Pai Gabriel ante o Cardenal asegura que non existe escravitude algunha no territorio español a diferenza dos métodos portugueses e que non vai tolerar un comportamento de desafío dun xesuíta.

5) O mellor da película foi...

Para min, " A Misión" narra sen dúbida unha historia real e dura, mostra ata que punto chegou o mundo occidental para conquistar e minusvalorar ós "indios". Non obstante, tamén dá a coñecer outra perspectiva máis alentadora como é a evanxelización da poboación nativa. 

A miña escena favorita coincide coa redención de Rodrigo Mendoza (Robert de Niro), despois de meses facendo penitencia pola morte do seu irmán é liberado polos guaraníes da súa carga física (arrastraba unha enorme roca nas súas labores cotiás) e emocional (a culpa). Paréceme moi emotivo xa que el fora un dos soldados de alto rango e capturara a moitos dos indíxenas pero estes permítenlle vivir e acéptano na súa casa. Máis tarde altérnanse algúns retazos da adaptación de Mendoza ós costumes relixiosos, como le e cura un pé a unha muller ferida, axuda nas plantacións ou cociña para dous irmáns da orde.

Creo que este exemplo afirma unha vez máis o seguinte "é máis xeitoso dar que recibir".

6)Enlaces e comentario das fontes consultadas:

http://revista.drclas.harvard.edu/book/guaraníes-y-jesuitas-en-la-imaginación-histórica-moderna

http://www.clasicofilm.com/2015/10/la-mision-1986-hd_19.html

http://portal.educ.ar/debates/eid/lengua/publicaciones/del-dolor-tambien-se-aprende-la-mision.php

http://www.educacion.gob.es/exterior/centros/stgermain/es/biblioteca/mision.pdf

Consultei en Internet algúns datos da película e concretamente, tiven en conta catro páxinas web como base para o comentario. Considero que son fiables xa que a información aparece contrastada e coincide, os datos están extraídos de documentos redactados por docentes, periodistas... e a disparidade na orixe das mesmas (por exemplo unha das webs é un blog adicado só a reseñas de películas e outro é un pdf dun centro educativo).

Onde ver a película (versión orixinal): http://fmovies.to/film/the-mission.7jwyj